ჩემი ბირთვული ომი

სპარსელი მლოცველის ნაღვლისფერი ჩალმა, ერთკეცად,

თვალებში სუფიური სიტკბოთი.

თბილისის თებერვალში,

შირაზის სისხლისფერა ვარდებმა კოკრებად გაიშალეს-

ჩამოვიხედე მუსლიმის სულში და

აღმოსავლეთის სიმხურვალეში ჩემი წინაპრების სისხლია

გადამდნარი -

ჩვენს შორის ფეთქდება ბირთვული ბომბი -

შენ გადარჩები და როდესაც ნახავ იესოს,

გადაეცი: მისკენ მიმავალს

გაზაფხულზე უეცარმა ყინვამ მომისწრო.